#周耀輝 對我嚟講好似一位識得玩魔法嘅詩人。每一隻字都充滿想像力，詞語之間嘅不協調同時打開咗好大嘅聯想空間。早期寫俾 ＃達明一派 嘅作品一早係神枱級，若干年前寫俾 盧巧音《＃天演論》大碟入面嘅一眾作品可以成為經典；近年寫比俾 Juno 嘅作品亦都係字裏生花，好似《＃彳亍》，我每一次讀呢份歌詞都會感受到天地初開嘅畫面；舊年寫俾愛國家強嘅《＃送你一紮時間花》亦都睇得出佢玩字嘅功架，送時間花代表嘅係為你花時間； 盧凱彤 Ellen Loo 嘅《＃囂張》用充滿詩意嘅文字描寫一隻美好的怪獸， Eman Lam 林二汶 嘅《Do you love me》以歌詞展現粵語歌詞嘅可塑性。佢嘅歌詞可以另類，都可以既獨特亦充滿流行元素，《#流淚行勝利道》就係好好嘅例子啦～所以早嗰排瓊姐搞夕爺同Wyman嘅投票，我都係想將我嗰票留俾周耀輝。
Search